പള്ളിത്തര്‍ക്കം; പൊലീസിന് ഹൈക്കോടതിയുടെ വിമർശനം

ഓർത്തഡോക്സ് – യാക്കോബായ വിഭാഗങ്ങൾ തമ്മിലുള്ള കോതമംഗലം പള്ളിത്തർക്കക്കേസിൽ പൊലീസിന് ഹൈക്കോടതിയുടെ വിമർശനം. ഓർത്തഡോക്സ് വിഭാഗത്തിന്റെ വൈദികന് സംരക്ഷണം നൽകാൻ പൊലീസിനോട് കോടതി നിർദേശിച്ചു. പ്രാർത്ഥനയ്ക്ക് സൗകര്യമൊരുക്കാനുള്ള മുൻസിഫ് കോടതി ഉത്തരവ് നടപ്പാക്കാൻ കോടതി ആവശ്യപ്പെട്ടു. പൊലീസ് ആക്ട് മാത്രമല്ല രാജ്യത്തെ നിയമമെന്ന് കോടതി ഓർമിപ്പിച്ചു. മുൻസിഫ് കോടതി ഉത്തരവ് ചോദ്യം ചെയ്ത് യാക്കോബായ സഭ നൽകിയ ഹർജി കോടതി തള്ളി.