കെഎസ്ആർടിസിയിൽ നാളെ കൂട്ട നിയമനം

കെഎസ്ആർടിസിയിൽ നാളെ കൂട്ട നിയമനം. പിഎസ്‌സി അഡൈ്വസ് മെമ്മോ നൽകിയ 4051 പേരെ നാളെ കെഎസ്ആർടിസി നിയമിക്കും. എം പാനൽ ജീവനക്കാരുടെ പിരിച്ചുവിടൽ കാരണം ഇന്നലെ 1763 ഷെഡ്യൂളുകളാണ് റദ്ദാക്കിയത്.

ഹൈക്കോടതിയുടെ അന്ത്യശാസനത്തെ തുടർന്നാണ് നാലായിരത്തിലധികം എം പാനൽ കണ്ടക്ടർമാരെ കെഎസ്ആർടിസി പിരിച്ചുവിട്ടത്. കഴിഞ്ഞ രണ്ടു ദിവസമായി വലിയ പ്രതിസന്ധിയാണ് കോർപ്പറേഷൻ നേരിടുന്നത്. ഇന്നലെ മാത്രം 1763 ഷെഡ്യൂളുകളാണ് സംസ്ഥാനത്താകെ റദ്ദാക്കിയത്. മലയോര മേഖലയിലും ഉൾനാടുകളിലുമടക്കം നിരവധി യാത്രക്കാരെ സർവ്വീസ് റദ്ദാക്കിയത് കാര്യമായി ബാധിച്ചു. ജനങ്ങൾക്ക് ബുദ്ധിമുട്ടുണ്ടാകാതെ സ്ഥിരം ജീവനക്കാരുടെ അവധി നിയന്ത്രിച്ചും ഡബിൾ ഡ്യൂട്ടി ഏർപ്പെടുഏർപ്പെടുത്തിയുമുള്ള പ്രശ്‌ന പരിഹാരത്തിനാണ് കെഎസ്ആർടി ശ്രമിക്കുന്നത്.

എന്നാൽ അധിക ഡ്യൂട്ടി ചെയ്യേണ്ടതില്ലെന്ന നിലപാടിലാണ് തൊഴിലാളി യൂണിയനുകൾ.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top