മൈക്രോസോഫ്റ്റില്‍ നിന്ന് സോഫ്റ്റ്‌വെയറുകള്‍ വാങ്ങാനുള്ള തീരുമാനം പുനപരിശോധിക്കണമെന്ന് വിഎസ്

സർക്കാർ ഓഫീസുകളിൽ മൈക്രോസോഫ്റ്റ് ഓപ്പറേറ്റിങ് സിസ്റ്റം വാങ്ങാൻ അനുമതി നൽകിയത്   പുനഃപരിശോധിക്കണമെന്ന് വിഎസ് അച്യുതാനന്ദൻ. ഇക്കാര്യം ആവശ്യപ്പെട്ട് മുഖ്യമന്ത്രിക്ക് വിഎസ് കത്തയച്ചു. നവംബർ 29ന് ഐടി വകുപ്പ് പുറത്തിറക്കിയ ഉത്തരവിലാണ് വിൻഡോസ് 10 ഓപ്പറേറ്റിങ് സിസ്റ്റം വാങ്ങാൻ അനുമതി നൽകിയിരിക്കുന്നത്. സ്വതന്ത്ര സോഫ്റ്റ്‌വെയറുകളെ പരമാവധി പ്രോത്സാഹിപ്പിക്കണമെന്ന 2017 ലെ ഐടി നയത്തിന് വിരുദ്ധമാണ് നടപടി. പല ആപ്ലിക്കേഷനുകളും മൈക്രോസോഫ്റ്റിൽ മാത്രമാണ് പ്രവർത്തിക്കുന്നത് എന്നാണ് ഇക്കാര്യത്തിൽ സർക്കാറിന്റെ വിശദീകരണം.