സംഘപരിവാര്‍ പ്രവര്‍ത്തകരും സാംസ്‌കാരിക പ്രവര്‍ത്തകരും നേര്‍ക്കുനേര്‍; സംഘര്‍ഷം

കൊച്ചിയില്‍ സംഘപരിവാര്‍ പ്രവര്‍ത്തകരും സാംസ്‌കാരിക പ്രവര്‍ത്തകരും തമ്മില്‍ ഏറ്റുമുട്ടി. ശബരിമലയില്‍ ഇന്ന് ദര്‍ശനം നടത്തിയ ബിന്ദുവിനും കനകഗുര്‍ഗയ്ക്കും അഭിവാദ്യം അര്‍പ്പിച്ചുകൊണ്ട് ദളിത് സംഘടനാ പ്രവര്‍ത്തകര്‍ നടത്തിയ പ്രകടനത്തിനിടയിലേക്കാണ് സംഘപരിവാര്‍ പ്രവര്‍ത്തകരുടെ ആക്രമണം. ദളിത് പ്രവര്‍ത്തകരും സംഘപരിവാര്‍ പ്രവര്‍ത്തകരും തമ്മില്‍ വാക്കേറ്റമുണ്ടാകുകയും ഏറ്റുമുട്ടുകയും ചെയ്തു. ഭരണഘടനയ്‌ക്കൊപ്പം എന്ന മുദ്രാവാക്യമുയര്‍ത്തിയായിരുന്നു സാംസ്‌കാരിക പ്രവര്‍ത്തകര്‍ ശബരിമലയില്‍ ദര്‍ശനം നടത്തിയ യുവതികളെ പിന്തുണച്ച് രംഗത്തെത്തിയത്. എന്നാല്‍, പ്രതിഷേധക്കാര്‍ സ്ഥലത്തെത്തിയതോടെ സംഘര്‍ഷത്തിന് തുടക്കമായി. പൊലീസ് ഇടപെട്ടാണ് ഒടുവില്‍ സ്ഥിതി ശാന്തമാക്കിയത്.