കണ്ണൂർ മുൻ സിപിഎം ജില്ലാ സെക്രട്ടറി പി ശശിയുടെ വീടിന് നേരെ ബോംബേറ്

കണ്ണൂർ മുൻ സിപിഎം ജില്ലാ സെക്രട്ടറി പി ശശിയുടെ വീടിന് നേരെ ബോംബേറ്. അപകട സമയത്ത് വീട്ടിൽ കുടുംബാംഗങ്ങൾ മാത്രമാണ് ഉണ്ടായിരുന്നത്.

നേരത്തെ എ.എൻ ഷംസീർ എം.എൽ.എയുടെ വീടിന് നേരെയും ബോംബ് ആക്രമണം ഉണ്ടായിരുന്നു. ആക്രമ സമയത്ത് എഎൻ ഷംസീർ വീട്ടിലുണ്ടായിരുന്നില്ല എന്നാൽ കുടുംബം വീട്ടിലുണ്ടായിരുന്നു.

ഡി.വൈ.എഫ്.ഐ അഖിലേന്ത്യാ വൈസ് പ്രസിഡന്റ് എ.എൻ ഷംസീർ എം.എൽ.എയുടെ വീടിന് നേരെ ഉണ്ടായ ആർ.എസ്.എസ് ബോംബേറ് അപലപനീയവും പ്രതിഷേധാർഹവുമാണെന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു. സംസ്ഥാനത്തുടനീളം ആർ.എസ്.എസ് നടത്തുന്ന ആക്രമണങ്ങളുടെ തുടർച്ചയാണ് എ.എൻ.ഷംസീറിന്റെ തലശ്ശേരിയിലെ വീടിന് നേരെ നടന്ന ബോംബേറ്. ഇത്തരത്തിലുള്ള ആക്രമങ്ങളുമായി ആർ.എസ്.എസ് മുന്നോട്ടുപോയാൽ കനത്ത വില നൽകേണ്ടിവരും. സംഘപരിവാറിന്റെ അക്രമ രാഷ്ട്രീയത്തിനെതിരെ പ്രതിഷേധം ഉയർത്തികൊണ്ടുവരുമെന്നും സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.