മകരവിളക്ക്; ദേവസ്വം ബോർഡ് ഉന്നത ഉദ്യോഗസ്ഥരുടെ യോഗം ഇന്ന്

മകരവിളക്കിന്റെ ഒരുക്കങ്ങൾ ചർച്ച ചെയ്യാൻ ദേവസ്വം ബോർഡ് ഉന്നത ഉദ്യോഗസ്ഥരുടെ യോഗം ഇന്ന് ചേരും. രാവിലെ പത്ത് മണിയ്ക്ക് ശബരിമലയിലാണ് യോഗം. ബോർഡ് പ്രസിഡൻറും അംഗങ്ങളും യോഗത്തിൽ പങ്കെടുക്കും. മകരജ്യോതി ദർശനത്തിന് ഭക്തർക്കായി സന്നിധാനത്ത്  പ്രത്യേക കേന്ദ്രങ്ങൾ സജ്ജീകരിച്ചിട്ടുണ്ട്. ഇതിനിടെ യുവതീ പ്രവേശനത്തിൽ ദേവസ്വം ബോർഡുമായി ആലോചിക്കാതെ നട അടച്ചതിനും ശുദ്ധി ക്രിയ നടത്തിയതിനും തന്ത്രി കണ്ഠരര് രാജീവർക്ക് ഇന്ന് നോട്ടീസ് നൽകും. ബോർഡ് കമ്മീഷണറാണ് നോട്ടീസ് നൽകുക.