തന്ത്രിയെ നിയമിച്ചത് ദേവസ്വം ബോർഡല്ലെന്ന് താഴ്മൺ മഠം

ശബരിമലയിൽ തന്ത്രിയെ നിയമിച്ചത് ദേവസ്വം ബോർഡല്ലെന്ന് താഴ്മൺ മഠം. തന്ത്രിസ്ഥാനം പാരമ്പര്യമായി ലഭിച്ചതാണ്. തന്ത്രിയുടെ പരമാധികാരത്തെ ചോദ്യം ചെയ്യാൻ സർക്കാരിനോ ദേവസ്വം ബോർഡിനോ സാധ്യമല്ലെന്നും ആചാരപരമായ കാര്യങ്ങളിൽ അന്തിമ തീരുമാനമെടുക്കുന്നത് തന്ത്രിയാണെന്നും താഴ്മൺ മഠം അറിയിച്ചു.ദേവസ്വം ബോർഡ് തന്ത്രിക്ക് നൽകുന്നത് ശമ്പളമല്ലെന്നും ദക്ഷിണയാണ് നൽകുന്നതെന്നും മഠം വ്യക്തമാക്കി.