എറണാകുളം പഴംതോട്ടം സെന്റ്‌മേരീസ് ചർച്ചിൽ ഓർത്തഡോക്‌സ് യാക്കോബായ വിഭാഗങ്ങൾ തമ്മിലുണ്ടായ തർക്കം പരിഹരിച്ചു

എറണാകുളം പഴംതോട്ടം സെന്റ്‌മേരീസ് ചർച്ചിൽ ഓർത്തഡോക്‌സ് യാക്കോബായ വിഭാഗങ്ങൾ തമ്മിലുണ്ടായ തർക്കം പരിഹരിച്ചു. യാക്കോബായ വിഭാഗത്തിൽ പെട്ട ഒരു സ്ത്രീയുടെ മൃതദേഹം പള്ളിയിൽ പ്രാർത്ഥന നടത്തി സംസ്‌കരിക്കാൻ ആവില്ലെന്ന് ഓർത്തഡോക്‌സ് വിഭാഗം അറിയിച്ചതിനെ തുടർന്നാണ് യാക്കോബായ വിഭാഗം പ്രതിഷേധവുമായി എത്തിയത് . ജില്ലാ കളക്ടർ ഇരുവിഭാഗവുമായി ചർച്ച നടത്തിയതിനെ തുടർന്നാണ് തർക്കം പരിഹരിച്ചത്. യാക്കോബായ വിഭാഗത്തിന് പള്ളിയ്ക്ക് പുറത്തുവെച്ച് ശുശ്രൂഷ നടത്തി പള്ളി സെമിത്തേിയിൽ മൃതദേഹം സംസ്‌കരിക്കാമെന്ന തീരുമാനത്തിലെത്തുകയായിരുന്നു. വിശ്വാസികൾക്ക് പള്ളിയിൽ കയറാമെന്നും ചർച്ചയിൽ തീരുമാനമായി.