സിപിഐ സംസ്ഥാന എക്സിക്യൂട്ടീവ് യോഗം ഇന്ന് തിരുവനന്തപുരത്ത്

തെരഞ്ഞെടുപ്പിന്റെ മുന്നൊരുക്കങ്ങൾ ചർച്ച ചെയ്യാൻ സി പി ഐ സംസ്ഥാന എക്സിക്യൂട്ടീവ് യോഗം ഇന്ന് തിരുവനന്തപുരത്ത് . ഫ്രെബ്രുവരി പകുതിയോടെ ആരംഭിക്കുന്ന ഇടതു മുന്നണി ജാഥയുടെ ഒരുക്കങ്ങൾ യോഗത്തിൽ ചർച്ചക്ക് വരും. തെരഞ്ഞെടുപ്പിന് ഒരുങ്ങുന്നതിന്റെ ഭാഗമായി മേഖല പാര്‍ട്ടിക്ലാസുകള്‍ നടത്താന്‍ നിര്‍വാഹക സമിതി യോഗം നേരത്തെ തീരുമാനിച്ചിരുന്നു. ഇതിന്റെ പുരോഗതി വിലയിരുത്തുന്നതിനൊപ്പം തുടർ പ്രവർത്തനങ്ങളും യോഗം ചർച്ച ചെയ്യും. ആലപ്പാട് ഖനന വിഷയത്തിൽ മുന്നണിക്കുള്ളിൽ വ്യത്യസ്ത അഭിപ്രായങ്ങൾ നിലനിൽക്കെ ഇതും സി പി ഐ എക്സിക്യൂട്ടിവിന്റെ പരിഗണനക്ക് വരാനാണ് സാധ്യത.