കൊല്ലം സംഗീതോത്സവം ജനുവരി 23 മുതൽ

കൊല്ലം കോർപറേഷനും ലയ തരംഗ സൂര്യ കൊല്ലം ചാപ്റ്ററും സംയുക്തമായി സംഘടിപ്പിക്കുന്ന കൊല്ലം സംഗീതോത്സവം ജനുവരി 23 മുതൽ 29 വരെ കൊല്ലത്ത് നടക്കും.7 ദിവസങ്ങളിലായി നടക്കുന്ന സംഗീതോൽസവത്തിന്റെ ഓരോ ദിവസങ്ങളിലും മൺമറഞ്ഞ പ്രശസ്ത സംഗീത പ്രതിഭകളുടെ അനുസ്മരണം കൂടി ഉണ്ടാകും. അന്തരിച്ച വയലിൻ മാന്ത്രികൻ ബാലഭാസ്‌കറിന്റെ സ്മരണയിൽ സ്റ്റീഫൻ ദേവസ്സി അവതരിപ്പിക്കുന്ന സംഗീത വിരുന്നോടെയാണ് സംഗീതോൽസവം തുടങ്ങുന്നത്. വൈകുന്നേരം 6.30 മുതൽ 8.30 വരെയാണ് പരിപാടി. ഉത്ഘാടന ദിനം കൊല്ലം ക്യുഎസി ഗ്രൗണ്ടിലും തുടർന്നുള്ള ദിവസങ്ങളിൽ ടൗൺ ഹാളിലുമാണ് പരിപാടി നടക്കുന്നത്. പ്രവേശനം സൗജന്യമാണ്. രാജ്യത്തിനകത്തെയും പുറത്തെയും പ്രശസ്തരായ സംഗീതജ്ഞർ സംഗീതോൽസവത്തിൽ പങ്കെടുക്കും.