കീമോതെറാപ്പികളുടെ ഇടവേളകളില്‍ വേദനകളെ ചിത്രങ്ങളാക്കി ഫാത്തിമത് സുഹറ

കീമോ തെറാപ്പികളുടെ ഇടവേളകളില്‍ വേദനകളെ മനോഹര ചിത്രങ്ങളാക്കി മാറ്റുകയാണ് തലശ്ശേരി സ്വദേശി ഫാത്തിമത് സുഹ്റ. രണ്ടാം തവണയും ക്യാന്‍സര്‍ ചികിത്സ തേടേണ്ടി വന്നിട്ടും തളരാത്ത ആത്മവിശ്വാസവുമായി മുന്നോട്ട് പോകുകയാണ് ഫാത്തിമത്. 2013ലാണ് ക്യാന്‍സര്‍ ആദ്യം ഫാത്തിമത്തിന്റെ ശരീരത്തെ ആക്രമിക്കുന്നത്. 2015ല്‍ ഒരു പ്രാവശ്യം കൂടി ക്യാന്‍സര്‍ ഫാത്തിമത്തിന്റെ ശരീരത്തില്‍ പിടിമുറുക്കി. എറണാകുളം വെല്‍കെയര്‍ ആശുപത്രിയില്‍ തുടര്‍ ചികിത്സയിലാണ് ഇപ്പോള്‍ ഫാത്തിമത്. ചികിത്സയുടെ ഇടവേളകളില്‍  വേദനകളെ വര്‍ണ്ണങ്ങളാക്കി ക്യാന്‍സര്‍ വിജയത്തിന്റെ മറ്റൊരു ക്യാന്‍വാസിന് നിറം പകരുകയാണ് ഫാത്തിമത്ത് ഇപ്പോള്‍