പ്രശ്‌നപരിഹാരത്തിന് ഇടപെടുന്നില്ല; ആലപ്പാട് വിഷയത്തില്‍ നിയമസഭയില്‍ അടിയന്തരപ്രമേയ നോട്ടീസ്

ആലപ്പാട് കരിമണല്‍ ഖനനവുമായി ബന്ധപ്പെട്ട് ഉടലെടുത്തിരിക്കുന്ന പ്രശ്‌നങ്ങള്‍ക്ക് പരിഹാരം കാണാന്‍ സര്‍ക്കാര്‍ ഇടപെടുന്നില്ലെന്ന് ചൂണ്ടിക്കാട്ടി പ്രതിപക്ഷം അടിയന്തര പ്രമേയത്തിന് നോട്ടീസ് നല്‍കി. വിഷയം സഭ നിര്‍ത്തിവെച്ച് ചര്‍ച്ചചെയ്യണമെന്നാവശ്യപ്പെട്ടാണ് പ്രതിപക്ഷം നോട്ടീസ് നല്‍കിയത്. പി ടി തോമസ് എംഎല്‍എയാണ് നോട്ടീസ് നല്‍കിയിരിക്കുന്നത്. അശാസ്ത്രീയമായ ഖനനം മൂലം തദ്ദേശവാസികളുടെ നിലനില്‍പ്പ് അപകടാവസ്ഥയിലാണെന്ന് പി ടി തോമസ് ചൂണ്ടിക്കാട്ടി.