കോഴിക്കോട് ജനവാസ മേഖലയിൽ കാട്ടാനയിറങ്ങി(വീഡിയോ)

കോഴിക്കോട് കൊടിയത്തൂർ പഞ്ചായത്തിലെ തോട്ടുമുക്കത്ത് ജനവാസ മേഖലയിൽ കാട്ടാനയിറങ്ങി. ഇന്ന് പുലർച്ചെയാണ് സംഭവം.വനം വകുപ്പ് ഉദ്യോഗസ്ഥർ സ്ഥലത്തെത്തി ആനയെ തിരികെ കാട്ടിലേക്ക് അയക്കാനുള്ള ശ്രമങ്ങൾ തുടരുകയാണ്.

Read More: മധ്യവയസ്‌കനെ കാട്ടാന അടിച്ചുകൊന്നു

ഇന്ന് രാവിലെ 5 മണിയോടെയായിരുന്നു തൊട്ടുമുക്കത്തെ ജനവാസ മേഘലയിൽ കാട്ടാനയെത്തിയത്. ജോലിക്കെത്തിയ ടാപ്പിങ് തൊഴിലാളികളാണ് ആനയെ ആദ്യം കണ്ടത്. കഴിഞ്ഞ ദിവസം സമീപപ്രദേശമായ ഊർങ്ങാട്ടേറിലയിലും കാട്ടാനകൾ ഇറങ്ങിയിരുന്നു. അതിലെ ഒരാന കൂട്ടം തെറ്റി തൊട്ടുമുക്കാത്തെത്തിയതാവും എന്നാണ് നാട്ടുകാർ പറയുന്നത്.

Read More: കാട്ടാനയുടെ ആക്രമണത്തിൽ ബൈക്ക് യാത്രികനായ യുവാവിന് പരിക്കേറ്റു

മലയോര മേഖലയായ തൊട്ടുമുക്കത്ത് കാട്ടുപന്നികളുടെ ശല്യവും ഉണ്ടാവാറുണ്ട്. എന്നാൽ ആന എത്തുന്നത് ഇത്  ആദ്യമായാണ്. ആളപായമില്ലെങ്കിലും നിരവധി പെരുടെ കൃഷി നശിപ്പിക്കപ്പെട്ടിട്ടുണ്ട്. തിരുവമ്പാടിയിലെ ജോർജ് എം.തോമസ് എം.എൽ എ യുടെ വീടിനു സമീപവും ആന എത്തിയിരുന്നു. ആനയെ കണ്ടതോടെ പ്രാദേശവാസികൾ പരിഭ്രാന്തിയിലാണ്. വനത്തിൽ അനുഭവപ്പെടുന്ന കനത്ത ചൂട് കാരണമാവാം ആനകൾ നാട്ടുലേക്ക് എത്തുന്നതെന്നാണ് പ്രദേശവാസികൾ പറയുന്നത്. അരീക്കോട് വനം വകുപ്പിൽ നിന്നും ഉദ്യോഗസ്ഥർ എത്തി തിരച്ചിൽ ആരംഭിച്ചിട്ടുണ്ട്.