വഞ്ചനയ്ക്കും വ്യാജ രേഖ ചമച്ചതിനും ബിജെപി നേതാവ് പി.മുരളീധര റാവുവിനെതിരെ കേസ്

വഞ്ചനയ്ക്കും വ്യാജ രേഖ ചമച്ചതിനും കേരളത്തിന്റെ ചുമതലയുള്ള ബിജെപി ജനറൽ സെക്രട്ടറി പി.മുരളീധര റാവു ഉൾപെടെ 9 പേർക്കെതിരെ പോലിസ് കേസെടുത്തു.നിർമ്മലാ സീതാരാമൻ വാണിജ്യ മന്ത്രിയായിരിക്കെ ഒപ്പിട്ട വ്യാജ നിയമന ഉത്തരവ് കാട്ടി തട്ടിപ്പ് നടത്തിയെന്ന പരാതിയിലാണ് ഹൈദരാബാദ് പോലിസ് കേസെടുത്തത്.

ഫാർമസ്യൂട്ടിക്കൽ എക്‌സ്‌പോർട്ട് ചെയർമാൻ സ്ഥാനം വാഗ്ദാനം ചെയ്ത് 2.17 കോടി തട്ടിയെന്ന പരാതിയിലാണ് ഹൈദരാബാദ് പോലിസ് കേസെടുത്തത്. കോടതിയുടെ നിർദേശ പ്രകാരമാണ് പോലിസ് കേസ് രജിസ്റ്റർ ചെയ്തിരിക്കുന്നത്.

Read Also : ഗോവ രാഷ്ട്രീയത്തിൽ നാടകീയ നീക്കങ്ങൾ; രണ്ട് സഖ്യകക്ഷി എംഎൽഎമാർ ബിജെപിയിൽ ചേർന്നു

ഹൈദരാബാദ് സ്വദേശികളായ ടി. പ്രവർണ റെഡി ഭർത്താവ് മഹിപാൽ റെഡി എന്നിവരാണ് പരാതിക്കാർ. പ്രതിരോധ മന്ത്രി നിർമലാ സീതാരാമൻ ഒപ്പിട്ട വ്യാജ നിയമന ഉത്തരവ് കാട്ടി പി മുരളിധര റാവു അടക്കമുള്ളവർ പണം തട്ടിയ തായാണ് പരാതിയിൽ പറയുന്നത്.നിർമ്മലാ സീതാരാമൻ വാണിജ്യ മന്ത്രിയായിരുന്ന കാലഘട്ടത്തിലാണ് തട്ടിപ്പ് നടന്നത്. പണം വാങ്ങിട്ടും നിയമനം ലഭിച്ചില്ല. തുടർന്ന് പണം തിരികെ നൽകാൻ ആവശ്യപ്പെട്ടപ്പോൾ റാവു ഇവരെ ഭീഷിണി പെടുത്തിയെന്നും പരാതിയിൽ പറയുന്നു.