കിട്ടാക്കടം തിരിച്ചു പിടിക്കുന്നതിനായി റിസർവ് ബാങ്ക് പുറത്തിറക്കിയ സർക്കുലർ സുപ്രീം കോടതി റദ്ദാക്കി

കിട്ടാക്കടം തിരിച്ചുപിടിക്കുന്നതനായി റിസർവ് ബാങ്ക് പുറത്തിറക്കിയ സർക്കുലർ സുപ്രീം കോടതി റദ്ദാക്കി . വായ്പാ കുടിശിക അടയ്ക്കുന്നതിൽ വീഴ്ച വരുത്തുന്നവരുടെ നിഷ്‌ക്രിയാസ്തികൾ പിടിച്ചെടുക്കുന്നതിന് ഇറക്കിയ സർക്കുലർ ഭരണഘടനാവിരുദ്ധമാണെന്ന് ജസ്റ്റിസ് ആർ . എഫ് . നരിമാൻ അധ്യക്ഷനായ ബെഞ്ച് വ്യക്തമാക്കി.

Read Also; കിട്ടാക്കടം തിരിച്ചുപിടിക്കൽ; ആദ്യനടപടി ഊർജ, റോഡ് നിർമാണരംഗത്ത് പ്രവർത്തിക്കുന്ന ലാൻകോയ്‌ക്കെതിരെ

വായ്പയെടുത്തവരുടെ രണ്ടായിരം കോടി രൂപയ്ക്ക് മുകളിലുള്ള നിഷ്‌ക്രിയ ബാങ്ക് അക്കൗണ്ടുകൾ കണ്ടെത്തി 180 ദിവസത്തിനകം നടപടി തുടങ്ങണം . വായ്പാ തിരിച്ചടവ് സാധ്യമായില്ലെങ്കിൽ പാപ്പർ നിയമപ്രകാരം നടപടിയെടുക്കണം തുടങ്ങിയ നിർദേശങ്ങളായിരുന്നു ഫെബ്രുവരിയിൽ പുറത്തിറക്കിയ റിസർവ് ബാങ്ക് സർക്കുലറിൽ ഉണ്ടായിരുന്നത് . ഇതിനെതിരെ വ്യാപാര സ്ഥാപനങ്ങൾ സുപ്രീംകോടതിയെ സമീപിക്കുകയായിരുന്നു.