ബിജെപി ഇവിഎമ്മിൽ കൃത്രിമം നടത്തുന്നുവെന്ന് ആരോപിച്ച് അസം ഖാന്റെ മകൻ

ബിജെപി ഇവിഎമ്മിൽ കൃത്രിമം നടത്തുന്നുവെന്ന് ആരോപിച്ച് അസം ഖാന്റെ മകൻ അബ്ദുല്ല. ഉത്തർ പ്രദേശിലെ 300 ൽ അധികം വോട്ടിംഗ് മെഷീനുകളിൽ ബിജെപി കൃത്രിമം നടത്തിയെന്നും അസം ഖാൻ വൻ ഭൂരിപക്ഷത്തോടെ വിജയിക്കുമെന്ന് ഉറപ്പായതുകൊണ്ടാണ് ബിജെപി ഇത് ചെയ്തതെന്നും മകൻ അബ്ദുല്ല ആരോപിച്ചു.

വോട്ട് രേഖപ്പെടുത്താനെത്തുന്നവരെ പൊലീസ് വിരട്ടുകയാണെന്നും, അവരെ പരാതിപ്പെടാൻ അനുവദിക്കുന്നില്ലെന്നും അബ്ദുല്ല പറഞ്ഞു.

Read Also : ലോക്സഭയിലേക്ക് മത്സരിക്കാന്‍ സീറ്റ് നല്‍കിയില്ലെങ്കില്‍ പാര്‍ട്ടി വിടുമെന്ന് ബിജെപി പാര്‍ലമെന്റംഗം ഉദിത് രാജ്

എന്നാൽ രാംപൂരിലെ വോട്ടിംഗ് മെഷീനുകൾക്ക് തകരാറൊന്നും തന്നെയില്ലെന്ന് അഡീഷ്ണൽ ചീഫ് ഇലക്ടറൽ  ഓഫീസർ ബ്രഹ്മ ദേവ് രാം തിവാരി അറിയിച്ചു. ബിജെപിയുടെ ജയപ്രദയ്‌ക്കെതിരെയാണ് രാംപുരിൽ അസം ഖാൻ മത്സരിക്കുന്നത്. സഞ്ജയ് കപൂറാണ് പ്രദേശത്ത് കോൺഗ്രസ് സ്ഥാനാർത്ഥി.