വയനാട് സ്‌ഫോടക വസ്തു പൊട്ടിത്തെറിച്ച് രണ്ട് മരണം

വയനാട് സ്‌ഫോടക വസ്തു പൊട്ടിത്തെറിച്ച് രണ്ട് മരണം. സുൽത്താൻ ബത്തേരി നായ്ക്കട്ടിയിലാണ് സംഭവം. ഒരു സ്ത്രീയും പുരുഷനുമാണ് മരിച്ചത്. ഉച്ചയ്ക്ക് 1.15 ഓടെയാണ് സംഭവം നടന്നത്.

നായ്ക്കട്ടി സ്വദേശികളായ ആമിന, ബെന്നി എന്നിവരാണ് മരിച്ചതെന്നാണ് ലഭിക്കുന്ന വിവരം. ഇരുവരും അയൽവാസികളാണ്. ആത്മഹത്യയാണെന്ന് സംശയിക്കുന്നുണ്ട്. ശശീരത്തിൽ സ്‌ഫോടക വസ്തു കെട്ടിവെച്ച നിലയിലാണ് മൃതദേഹങ്ങൾ കണ്ടെത്തിയതെന്നും സൂചനയുണ്ട്. എന്നാൽ ഇക്കാര്യത്തിൽ സ്ഥിരീകരണമില്ല. വലിയ ശബ്ദം കേട്ട് പ്രദേശവാസികൾ എത്തി പരിശോധിച്ചപ്പോഴാണ് ഇരുവരും മരിച്ച കാര്യം അറിയുന്നത്. പൊലീസ് എത്തി പരിശോധിച്ചുവരികയാണ്. കൂടുതൽ വിവരങ്ങൾ ലഭ്യമല്ല.