കിംഗ്സ് ഇലവന്‍ പഞ്ചാബിന്റെ സഹ ഉടമയായ നെസ് വാഡിയക്ക് രണ്ട് വര്‍ഷം തടവ്; വിശദീകരണം ആവശ്യപ്പെട്ട് ബി.സി.സി.ഐ

സഹ ഉടമയെ രണ്ട് വര്‍ഷം തടവ് ശിക്ഷയ്ക്ക് വിധിച്ചതിനു പിന്നാലെ കിംഗ്സ് ഇലവന്‍ പഞ്ചാബിനോട് വിശദീകരണം ആവശ്യപ്പെട്ട് ബി.സി.സി.ഐ.

കിംഗ്‌സ് ഇലവന്‍ പഞ്ചാബിന്റെ ഉടമകളില്‍ ഒരാളായ നെസ് വാഡിയ കഞ്ചാവ് കൈവശം വെച്ചതിനെത്തുടര്‍ന്ന് കഴിഞ്ഞ ദിവസം ജപ്പാനില്‍ നിന്ന് അറസ്റ്റിലായിരുന്നു. ഇതിന്റെ അടിസ്ഥാനത്തില്‍ രണ്ട് വര്‍ഷം വാഡിയയെ തടവിനു വിധിച്ചു. കിംഗ്സ് ഇലവന്‍ പഞ്ചാബ് ഫ്രാഞ്ചൈസിക്ക് കത്ത് അയച്ചുകൊണ്ടാണ് ബി.സി.സി.ഐ വിശദീകരണം ആവശ്യപ്പെട്ടത്.

എന്നാല്‍ ഇതിന്മേല്‍ നടപടി എടുക്കണമെങ്കില്‍  കിംഗ്‌സ് ഇലവന്‍ പഞ്ചാബിന്റെ വിശദീകരണം ലഭിച്ച ശേഷം മാത്രമേ ഉള്ളൂ എന്ന് ബിസിസിഐ അറിയിച്ചു.