‘റോബറി’ യുഗം അവസാനിച്ചു; ബയേണിൽ ഇത് അവസാന സീസൺ

ഈ സീസണോടെ ഡച്ച് വിങ്ങർ ആര്യൻ റോബനും ഫ്രഞ്ച് വിങ്ങർ ഫ്രാങ്ക് റിബറിയും ബയേൺ വിടുന്നു. ഈ സീസണോടെ ഇരുവരും ക്ലബ് വിടുമെന്ന് ബയേൺ ചെയർമാൻ അറിയിച്ചു. ഇതോടെ പത്ത് വർഷം നീണ്ട ഒരു യുഗത്തിനാണ് അവസാനമാകുന്നത്.

35കാരനായ റോബൻ 10 വർഷത്തെ കരിയറിനൊടുവിലാണ് ക്ലബ് വിടുന്നത്. അതേ സമയം, 12 വർഷം നീണ്ട കരിയറാണ് ഫ്രാങ്ക് റിബറിക്ക് ബയേണിലുള്ളത്. 2007ൽ ബയേണിലെത്തിയ താരം 271 മത്സരങ്ങളിൽ ബൂട്ടണിഞ്ഞു. 85 ഗോളുകളും റിബറി നേടിയിട്ടുണ്ട്. 199 മത്സരങ്ങളിൽ നിന്നായി 98 ഗോളുകളാണ് ബയേണിൽ റോബൻ്റെ സമ്പാദ്യം.