ചൈനയില്‍ ഇനി ജയില്‍ ചാട്ടം നടക്കില്ല; ഹൈടെക് കാവല്‍ക്കാരനെ വിന്യസിച്ച് അധികൃതര്‍

ചൈനയില്‍ ഇനി ജയില്‍പുള്ളികള്‍ക്ക് ജയില്‍ ചാടാമെന്നുള്ള വ്യാമോഹം നടക്കില്ല. ജയില്‍ ചാടുന്നവരെ നിരീക്ഷിക്കാന്‍ ഹൈടെക് കാവല്‍ക്കാരനെയാണ് അധികൃതര്‍ ഒരുക്കുന്നത്.

സെല്ലിനുള്ളിലെ പ്രതികളുടെ എല്ലാ നീക്കവും മുഖഭാവമുള്‍പ്പെടെ പകര്‍ത്താന്‍ കഴിയുന്ന ഹൈടെക് ക്യാമറകളാണ് ജയിലിനുള്ളില്‍ ഘടിപ്പിക്കാന്‍ ഒരുങ്ങുന്നത്.

ഇനി കാവല്‍ നില്‍ക്കുന്ന പോലീസുകാരന് കൈക്കൂലി നല്‍കി ജയില്‍ ചാടാമെന്നു വിചാരിച്ചാല്‍ അതും നടക്കില്ല… സെന്‍സര്‍ സംവിധാനമുള്ള ക്യാമറ അലാറമടിക്കാന്‍ തുടങ്ങും. ഒരേ സമയം 200 മുഖങ്ങള്‍ തിരിച്ചറിയാനുള്ള കഴിവ് ഈ ക്യാമറയ്ക്കുണ്ട്.