Advertisement

കോഹ്‌ലിയല്ല; ധോണി കഴിഞ്ഞാൽ രോഹിതാണ് മികച്ച ക്യാപ്റ്റനെന്ന് സെവാഗ്

May 10, 2019
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ധോണി കഴിഞ്ഞാൽ ഏറ്റവും മികച്ച ക്യാപ്റ്റൻ രോഹിത് ശർമ്മയെന്ന് മുൻ ഇന്ത്യൻ താരം വീരേന്ദർ സെവാഗ്. ക്രിക്ബസിൽ നടന്ന ചർച്ചയിലായിരുന്നു സെവാഗിൻ്റെ പരാമർശം. ഫീൽഡിലെ സാഹചര്യങ്ങൾ കൃത്യമായി മനസ്സിലാക്കി തന്ത്രങ്ങൾ ആവിഷ്കരിക്കാൻ കഴിയുന്ന ക്യാപ്റ്റനാണ് രോഹിത് ശർമ്മയെന്ന് സെവാഗ് പറഞ്ഞു.

ചെന്നൈ സൂപ്പർ കിംഗ്സും മുംബൈ ഇന്ത്യൻസും തമ്മിൽ നടന്ന ആദ്യ ഐപിഎൽ ക്വാളിഫയറിനു ശേഷം ക്രിക്ബസിൽ നടന്ന ചർച്ചയിലായിരുന്നു സെവാഗ് മനസ്സ് തുറന്നത്. ജയന്ത് യാദവിന് പവർ പ്ലേ ഓവറുകൾ നൽകാനുള്ള തീരുമാനം മത്സരത്തിൽ നിർണ്ണായകമായെന്ന് സെവാഗ് വിലയിരുത്തി. രോഹിതിൻ്റെ ബോളിംഗ് ചേഞ്ചും ഫീൽഡ് പ്ലേസ്മെൻ്റും വളരെ മികച്ചതാണെന്നും സെവാഗ് പറഞ്ഞു., സെവാഗിനൊപ്പം ചർച്ചയിൽ പങ്കെടുത്ത മുൻ ഇന്ത്യൻ താരം അജയ് ജഡേജയും രോഹിതിൻ്റെ നായകത്വത്തെ പുകഴ്ത്തിയിരുന്നു.

ഐപിൽ അതിൻ്റെ അവസാനത്തിലേക്കടുക്കുകയാണ്. ചെന്നൈക്കെതിരെ നടന്ന മത്സരത്തിൽ ജയിച്ച് മുംബൈ ഫൈനൽ യോഗ്യത നേടിക്കഴിഞ്ഞു. ഇന്ന് ഡൽഹി-ചെന്നൈ മത്സരത്തിലെ വിജയികൾ ഞായറാഴ്ച നടക്കുന്ന ഫൈനൽ മത്സരത്തിൽ മുംബൈയുമായി ഏറ്റുമുട്ടും.

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement