വളാഞ്ചേരി പോക്‌സോ കേസ്; പെൺകുട്ടിയുടെ സഹോദരിയുടെ ഭർത്താവിനെതിരെയും കേസെടുത്തു

എൽഡിഎഫ് കൗൺസിലർ പ്രതിയായ വളാഞ്ചേരി പോക്‌സോ കേസിൽ പീഡനത്തിനിരയായ 16കാരിയുടെ സഹോദരിയുടെ ഭർത്താവിനെതിരെയും പോക്‌സോ പ്രകാരം കേസെടുത്തു. അഞ്ചാം ക്ലാസിൽ പഠിക്കുമ്പോൾ സഹോദരീഭർത്താവ് പീഡിപ്പിച്ചതായി പെൺകുട്ടി മൊഴിനൽകിയതിന്റെ അടിസ്ഥാനത്തിലാണ് കേസ്.ചൈൽഡ് ലൈൻ നടത്തിയ കൗൺസിലിംഗിലാണ് കുട്ടി ഇക്കാര്യം വെളിപ്പെടുത്തിയത്.

വളാഞ്ചേരി നഗരസഭയിലെ എൽഡിഎഫ് കൗൺസിലറായ ഷംസുദ്ദീനെതിരെ നേരത്തെ പെൺകുട്ടി പരാതി നൽകിയിരുന്നു. ഒരു വർഷമായി ഷംസുദ്ദീൻ തന്നെ ലൈംഗികമായി പീഡിപ്പിക്കുകയായിരുന്നെന്നാണ് കുട്ടി ചൈൽഡ് ലൈൻ അധികൃതരോട് വെളിപ്പെടുത്തിയത്. സംഭവത്തെ തുടർന്ന് ഒളിവിൽ പോയ ഷംസുദ്ദീനായി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്.