മന്ത്രി കെ.ടി ജലീലിന്റെ വസതിയിലേക്ക് യുവജന പ്രതിഷേധ മാർച്ച്

വളാഞ്ചേരിയിലെ പോക്‌സോ കേസ് പ്രതിയെ മന്ത്രി കെ.ടി ജലീൽ സംരക്ഷിക്കുന്നു എന്നാരോപിച്ച് മന്ത്രിയുടെ വസതിയിലേക്ക് യുഡിഎഫ് യുവജന മാർച്ച് നടത്തി. പതിനാറുകാരിയായ പെൺകുട്ടിയെ പീഡിപ്പിച്ച കേസിലെ പ്രതിയായ ഷംസുദ്ദീൻ മന്ത്രിയുടെ സുഹൃത്താണെന്നും പ്രതിയെ വിദേശത്തേക്ക് കടക്കാൻ മന്ത്രി സഹായിച്ചുവെന്നും ആരോപിച്ചായിരുന്നു മാർച്ച്. മാർച്ചിനു ശേഷം നടന്ന പ്രതിഷേധ യോഗത്തിൽ വി.ടി ബൽറാം, കെ.എം ഷാജി തുടങ്ങിയവർ സംസാരിച്ചു.