എക്‌സിറ്റ് പോളുകൾക്ക് യാഥാർത്ഥ്യവുമായി യാതൊരു ബന്ധവുമില്ലെന്ന് കോടിയേരി

എക്‌സിറ്റ് പോളുകൾക്ക് യാഥാർത്ഥ്യവുമായി യാതൊരു ബന്ധവുമില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. വിദേശരാജ്യങ്ങളിലും എക്‌സിറ്റ് പോൾ പരാജയപ്പെട്ടു. അമേരിക്കയും ഓസ്‌ട്രേലിയയും ഇതിന് ഉദാഹരണമാണ്. കഴിഞ്ഞ ലോക്‌സഭാ തിരഞ്ഞെടുപ്പിലും നിയമസഭാ തിരഞ്ഞെടുപ്പിലും എക്‌സിറ്റ് പോൾ തെറ്റിയിട്ടുണ്ട്.

എക്‌സിറ്റ് പോൾ കാരണം വോട്ട് മാറാൻ പോകുന്നില്ലെന്നും എക്‌സിറ്റ് പോളുകൾ കണ്ട് ആരും പരിഭ്രമിക്കേണ്ടതില്ലെന്നും കോടിയേരി വ്യക്തമാക്കി. തോൽവി ഉറപ്പായതിനാലാണ്  പ്രധാനമന്ത്രി നരേന്ദ്ര മോദി ഗുഹയിൽ പോയിരുന്നത്. 23 ന് ശേഷം പോയി ഇരിക്കേണ്ട ഗുഹ മോദി കണ്ടു പിടിച്ചു കഴിഞ്ഞിട്ടുണ്ടെന്നും കോടിയേരി പരിഹസിച്ചു.