മകൾക്ക് മോദി അനുഭാവിയുടെ ബലാത്സംഗ ഭീഷണി; ഇവനെ എങ്ങനെ കൈകാര്യം ചെയ്യണമെന്ന് അനുരാഗ് കശ്യപ്
ലോക്സഭാ തെരഞ്ഞെടുപ്പിൽ വിജയിച്ച് എൻഡിഎ ഭരണം നിലനിർത്തിയതിനു പിന്നാലെ ബോളിവുഡ് സംവിധായകൻ അനുരാഗ് കശ്യപിന് ബലാത്സംഗ ഭീഷണിയുമായി മോദി അനുഭാവി. ഇയാളെ എങ്ങനെ കൈകാര്യം ചെയ്യണമെന്ന് തനിക്ക് പറഞ്ഞു തരണം എന്നാവശ്യപ്പെട്ട് അനുരാഗ് കശ്യപ് ട്വീറ്റ് ചെയ്തതോടെയാണ് സംഭവം പുറത്തറിഞ്ഞത്. മോദിയെ ടാഗ് ചെയ്തു കൊണ്ടായിരുന്നു കശ്യപിൻ്റെ ട്വീറ്റ്.
‘പ്രിയപ്പെട്ട നരേന്ദ്ര മോദി സര്, താങ്കളുടെ വിജയത്തില് അഭിനന്ദനങ്ങള്, സന്ദേശത്തില് ഉള്പ്പെടുത്തിയതിന് നന്ദി. താങ്കളുമായി അഭിപ്രായഭിന്നതയുള്ള എന്റെ മകളെ ഭീഷണിപ്പെടുത്തിയ, താങ്കളുടെ വിജയം ആഘോഷിക്കുന്ന ഭക്തരെ ഞങ്ങള് എങ്ങിനെയാണ് കൈകാര്യം ചെയ്യേണ്ടതെന്നു കൂടി ദയവായി ഞങ്ങളോട് പറഞ്ഞു തരൂ സാര്.’- ഇങ്ങനെയയിരുന്നു കശ്യപിൻ്റെ ട്വീറ്റ്.
ചൗക്കിദാർ രാംസംഘി എന്ന അക്കൗണ്ടിൽ നിന്നായിരുന്നു കശ്യപിൻ്റെ മകൾക്കെതിരെ ഉയർന്ന ബലാത്സംഗ ഭീഷണി. അശ്ലീല പദപ്രയോഗങ്ങൾക്കൊപ്പമായിരുന്നു ഭീഷണി. അതേ സമയം, കശ്യപിൻ്റെ ട്വീറ്റിനു പിന്നാലെ ഇയാൾ അക്കൗണ്ട് ഡിലീറ്റാക്കിയിട്ടുണ്ട്.
Dear @narendramodi sir. Congratulations on your victory and thank you for the message of inclusiveness. Sir please also tell us how do we deal with these followers of yours who celebrate your victory by threatening my daughter with messages like this for me being your dissenter. pic.twitter.com/jC7jYVBCi8
— Anurag Kashyap (@anuragkashyap72) May 23, 2019
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here