കോലിയുടെ പരിക്ക്; ആശങ്ക വേണ്ടെന്ന് റിപ്പോർട്ട്

ഇന്ത്യൻ നായകൻ വിരാട് കോലിക്ക് പരിശീലനത്തിനിടെ പരിക്ക് പറ്റിയതിൽ ആശങ്കപ്പെടാനില്ലെന്ന് റിപ്പോർട്ട്. പരിക്കേറ്റതിനു ശേഷവും കോലി പ്രശ്നങ്ങളൊന്നുമില്ലാതെ ബാറ്റിംഗും ഫീൽഡിംഗും തുടർന്നുവെന്നാണ് റിപ്പോർട്ട്. ബാക്കി പരിശീലന സെഷനിലും പങ്കെടുത്ത കോലിയ്ക്ക് ആശങ്കപ്പെടേണ്ട പരിക്കില്ലെന്ന് ടീം ഫിസിയോ വിശദീകരിച്ചുവെന്നും റിപ്പോർട്ടുണ്ട്.

അതേ സമയം, പരിശീലനത്തിനു ശേഷം വിരൽ വെള്ളത്തിൽ മുക്കി വെച്ചു കൊണ്ടാണ് കോലി മടങ്ങിയതെന്നും ചില റിപ്പോർട്ടുകൾ വരുന്നുണ്ട്. എന്തായാലും ദക്ഷിണാഫ്രിക്കക്കെതിരെ കോലി കളിക്കാനിറങ്ങുമെന്ന് തന്നെയാണ് ലഭിക്കുന്ന വിവരം.

ശനിയാഴ്ച വൈകിട്ട് നടന്ന പരിശീലനത്തിനിടെ കോലിയുടെ തള്ള വിരലിനാണ് പരിക്കേറ്റത്. ജൂൺ അഞ്ചിനാണ് ഇന്ത്യയുടെ ആദ്യ മത്സരം.