ദുബായ് വാഹനാപകടത്തിൽ മരിച്ച ഇന്ത്യക്കാരുടെ മൃതദേഹങ്ങൾ നാട്ടിലെത്തിക്കാൻ നടപടി സ്വീകരിച്ചതായി വി.മുരളീധരൻ

ദുബായിൽ വാഹനാപകടത്തിൽ മരിച്ച ഇന്ത്യക്കാരുടെ മൃതദേഹം നാട്ടിലെത്തിക്കാൻ നടപടി സ്വീകരിച്ചതായി കേന്ദ്ര വിദേശകാര്യ സഹമന്ത്രി വി.മുരളീധരൻ. പരിക്ക് പറ്റിയവരുടെ വിവരങ്ങൾ അറിയുന്നതിനായി ദുബായിൽ എംബസിയുടെ കൺട്രോൾ റൂം തുറന്നതായും വി.മുരളീധരൻ അറിയിച്ചു.

കേരളത്തിൽ നിപ സ്ഥിരീകരിച്ച സാഹചര്യത്തിൽ കേന്ദ്ര ആരോഗ്യമന്ത്രി ഹർഷ് വർധനുമായി കൂടിക്കാഴ്ച നടത്തിയതായും കേന്ദ്ര ആരോഗ്യവകുപ്പ് ഇക്കാര്യം ഗൗരവമായി നിരീക്ഷിക്കുകയാണെന്ന് കേന്ദ്ര ആരോഗ്യമന്ത്രി അറിയിച്ചതായും വി.മുരളീധരൻ പറഞ്ഞു. കേന്ദ്രസഹമന്ത്രിയായി ചുമതലയേറ്റ ശേഷം ആദ്യമായി കേരളത്തിലെത്തിയ വി.മുരളീധരന് ഇന്ന് തിരുവനന്തപുരം വിമാനത്താവളത്തിൽ വലിയ വരവേൽപ്പാണ് ബിജെപി നേതാക്കളും പ്രവർത്തകരും ചേർന്നൊരുക്കിയത്.