കാണാതായ വ്യോമസേന വിമാനത്തിന്റെ അവശിഷ്ടങ്ങൾ കണ്ടെത്തി

കാണാതായ വ്യോമസേനാ വിമാനത്തിന്റെ അവശിഷ്ടങ്ങൾ കണ്ടെത്തി. അരുണാചലിലെ വടക്കൻ ലിപ്പോയിൽ നിന്നാാണ് വിമാനത്തിന്റെ അവശിഷ്ടം കണ്ടെത്തിയത്. അസമിലെ ജോഹർഹട്ടിൽ നിന്നാണ് വിമാനം പറന്നുയർന്നത്. 2 മലയാളികൾ ഉൾപ്പടെ 13 പേരാണ് വിമാനത്തിലുണ്ടായിരുന്നത്. ജൂൺ 3നാണ് വിമാനം കാണാതായത്.

ജൂൺ മൂന്ന് തിങ്കളാഴ്ച അസമിലെ ജോർഹട്ടിൽ നിന്ന് മെൻചുക അഡ്വാൻസ് ലാൻഡിങ് (എ.എൽ.ജി) ഗ്രൗണ്ടിലേക്ക് 13 യാത്രക്കാരുമായി തിരിച്ച വിമാനമാണ് മെൻചുക വനഭാഗത്തുവെച്ച് കാണാതായത്. പറന്നുയർന്ന് അരമണിക്കൂറിനകം വിമാനവുമായുള്ള ബന്ധം നഷ്ടപ്പെടുകയായിരുന്നു. ഏഴ് ഓഫീസർമാരും ആറു സൈനികരുമടക്കം 13 പേരാണ് വിമാനത്തിലുണ്ടായിരുന്നത്. ഇവരിൽ രണ്ടുപേർ മലയാളികളാണ്.