ഓസീസിനു ബാറ്റിംഗ്; ഇരു ടീമുകളിലും മാറ്റങ്ങൾ

ലോകകപ്പിലെ 17ആം മത്സരത്തിൽ പാക്കിസ്ഥാനെതിരെ ഓസ്ട്രേലിയ ബാറ്റ് ചെയ്യും. ടോസ് നേടിയ പാക്ക് ക്യാപ്റ്റൻ സർഫറാസ് അഹ്മദ് ഓസ്ട്രേലിയയെ ബാറ്റിംഗിനയക്കുകയായിരുന്നു. ഇരു ടീമുകളിലും മാറ്റങ്ങളുണ്ട്.

പരിക്കേറ്റ ഓൾറൗണ്ടർ മാർക്കസ് സ്റ്റോയിനിസിനു പകരം ഷോൺ മാർഷും സ്പിന്നർ ആദം സാംബയ്ക്കു പകരം കെയിൻ റിച്ചാർഡ്സണും ഓസീസ് നിരയിൽ ടീമിലെത്തി. പാക്ക് ടീമിൽ സ്പിന്നർ ഷദബ് ഖാനു പകരം യുവ പേസർ ഷഹീൻ അഫ്രീദി കളിക്കും.

3 മത്സരങ്ങളിൽ നിന്ന് രണ്ട് വിജയങ്ങളടക്കം 4 പോയിൻ്റുകളുള്ള ഓസ്ട്രേലിയ പോയിൻ്റ് പട്ടികയിൽ നാലാമതും അത്ര തന്നെ മത്സരങ്ങളിൽ നിന്ന് 2 പോയിൻ്റുമായി പാക്കിസ്ഥാൻ എട്ടാമതുമാണ്.