അഭിമന്യൂ സ്മാരകം നിർമ്മിച്ചതിനെ വിമർശിച്ച് ഹൈക്കോടതി; നാളെ ധാരാസിംഗിന്റെ പ്രതിമ സ്ഥാപിക്കണമെന്ന് പറഞ്ഞാൽ അതും ചെയ്യുമോയെന്ന് ഹൈക്കോടതി

മഹാരാജാസ് കോളേജില്‍ അഭിമന്യു സ്മാരകം നിര്‍മ്മിച്ചതിനെ വിമര്‍ശിച്ച് ഹൈക്കോടതി. ഗവേണിംഗ് കൗണ്‍സിലിന് കോളേജിനുള്ളില്‍ പ്രതിമ സ്ഥാപിക്കാന്‍ അനുവാദം നല്‍കാന്‍ കഴിയുമോ എന്ന്, വാദത്തിനിടെ ഹൈക്കോടതി ചോദിച്ചു.

നാളെ ധാരാസിംഗിന്‍റെ പ്രതിമ സ്ഥാപിക്കണമെന്ന് ആരെങ്കിലും പറഞ്ഞാല്‍ അതും ചെയ്യുമോ എന്ന് ചോദിച്ച കോടതി, കോളേജിനകത്ത് സ്മാരകം സ്ഥാപിക്കുന്നത് ഔദ്യോഗിക നയത്തിന്‍റെ ഭാഗമായാണോയെന്ന് സംസ്ഥാന സര്‍ക്കാരിനോടും ആരാഞ്ഞു. മരിച്ചു പോയവര്‍ക്കെല്ലാം സ്മാരകം വേണമെന്ന നിലപാട് ശരിയല്ലെന്നും ഹൈക്കോടതി പറഞ്ഞു.