കർണാടകയിലെ പ്രതിസന്ധി; വ്യക്തത തേടി കോൺഗ്രസ് സുപ്രീം കോടതിയിൽ

കർണാടകയിലെ ഭരണപ്രതിസന്ധി വീണ്ടും സുപ്രീം കോടതിയിൽ. സുപ്രീം കോടതി ഉത്തരവിൽ വ്യക്തത തേടി കോൺഗ്രസ് വീണ്ടും സുപ്രീം കോടതിയെ സമീപിച്ചു. വിപ്പ് നൽകുന്നതിൽ വ്യക്തത വേണമെന്നും കോടതി ഉത്തരവ് പാർട്ടിയുടെ ഭരണഘടനാ അവകാശങ്ങൾ ലംഘിക്കുന്നതാണെന്നും ചൂണ്ടിക്കാട്ടിയാണ് ഹർജി.

വിശ്വാസ വോട്ടെടുപ്പിൽ പങ്കെടുക്കാൻ എംഎൽഎമാരെ നിർബന്ധിക്കുന്നതിനെതിരെയും ഹർജിയിൽ പരാമർശമുണ്ട്. കർണാടക കോൺഗ്രസ് അധ്യക്ഷൻ ദിനേശ് ഗുണ്ടുറാവു ആണ് ഹർജി നൽകിയത്.