രാജ്ഭവന് മുന്നിൽ കേരള സർവകലാശാല വി.സിയെ കെഎസ്‌യു പ്രവർത്തകർ കരിങ്കൊടി കാണിച്ചു

കേരള സർവകലാശാല വൈസ് ചാൻസലറെ കെഎസ്‌യു പ്രവർത്തകർ കരിങ്കൊടി കാണിച്ചു. യൂണിവേഴ്‌സിറ്റി കോളേജ് വിഷയത്തിൽ ഗവർണറുമായി കൂടിക്കാഴ്ച നടത്തിയ ശേഷം മടങ്ങി വരുന്നതിനിടെയാണ് വി.സിയെ കെഎസ്‌യു പ്രവർത്തകർ തടഞ്ഞത്. വനിതാ പ്രവർത്തകരടക്കം കരിങ്കൊടിയുമായി പ്രതിഷേധിക്കാനെത്തി.

വി.സി യുടെ കാർ തടഞ്ഞു നിർത്തി മുദ്രാവാക്യം മുഴക്കിയ പ്രവർത്തകരെ പൊലീസ് പിന്നീട് കസ്റ്റഡിയിലെടുത്ത് നീക്കി. യൂണിവേഴ്‌സിറ്റി കോളേജിലെ പ്രശ്‌നങ്ങളുടെ പശ്ചാത്തലത്തിലാണ് കേരള സർവകലാശാല വൈസ് ചാൻസലറെ ഗവർണർ ഇന്ന് രാജ്ഭവനിലേക്ക് വിളിപ്പിച്ചത്.