Advertisement

കോയമ്പത്തൂരില്‍ കാറും ലോറിയും കൂട്ടിമുട്ടി; വല്ലപ്പുഴ സ്വദേശിയടക്കം അഞ്ചു പേര്‍ മരിച്ചു

July 27, 2019
Google News 0 minutes Read

കോയമ്പത്തൂരില്‍ കാറും ലോറിയും കൂട്ടിമുട്ടി പാലക്കാട് വല്ലപ്പുഴ സ്വദേശിയടക്കം അഞ്ചു പേര്‍ മരിച്ചു. കെട്ടിട നിര്‍മാണകോണ്‍ട്രാക്ടര്‍ മുഹമ്മദ് ബഷീര്‍ ആണ് മരിച്ച മലയാളി. ഇയാളുടെ കൂടെ കാറിലുണ്ടായിരുന്ന ഒരു സ്ത്രീയടക്കമുള്ള നാല് കൊല്‍ക്കത്ത സ്വദേശികളും അപകടത്തില്‍ മരിച്ചു.

ഇന്ന് പുലര്‍ച്ചെ അഞ്ചു മണിക്ക്. കോയമ്പത്തൂരിനടുത്ത സൂലൂരില്‍ കാറും ലോറിയും കൂട്ടിമുട്ടിയാണ് അപകടമുണ്ടായത്. കാറില്‍ ഉണ്ടായിരുനവരാണ് മരിച്ചവരെല്ലാം.
പട്ടാമ്പിക്കടുത്ത വല്ലപ്പുഴ സ്വദേശിയാണ് കാര്‍ ഓടിച്ചിരുന്ന മുഹമ്മദ് ബഷീര്‍. നാല് പേര്‍ സംഭവ സ്ഥലത്ത് വെച്ചും ബഷീറിനെ കോയമ്പത്തൂര്‍ മെഡിക്കല്‍കോളേജ് ആശുപത്രിയിലേക്ക് പോകും വഴിയുമാണ് മരിച്ചത്. കെട്ടിട നിര്‍മ്മാണ കോണ്‍ട്രാക്ടര്‍ ആയ മുഹമ്മദ് ബഷീറിന്റെ തൊഴിലാളികളാണ് മരിച്ച കൊല്‍ക്കത്തക്കാര്‍.

ഇവര്‍ രണ്ടു ദിവസം മുന്‍പാണ് വല്ലപ്പുഴയില്‍ കന്യാകുമാരിയിയിലേക്ക് പോയത്. കന്യാകുമാരിയില്‍ നിന്ന് വല്ലപ്പുഴയിലേക്ക് മടങ്ങ് വരുമ്പോഴാണ് അപകടമുണ്ടായത്. മാലതി മണ്ഡല്‍, ഹീരുലാല്‍ ശികാരി, മിഥുന്‍ പണ്ഡിറ്റ്, ഗൌരങ്ക പണ്ഡിറ്റ് എന്നിവരാണ് മരിച്ച മറ്റുള്ളവര്‍. അഞ്ചു പേരുടെയും മൃതദേഹങ്ങള്‍ കോയമ്പത്തൂര്‍ മെഡിക്കല്‍കോളേജ് മോര്‍ച്ചറിയിലേക്ക് മാറ്റി. വല്ലപ്പുഴയില്‍ നിന്ന് മുഹമ്മദ് ബഷീറിന്റെ ബന്ധുക്കള്‍ കോയമ്പത്തൂരില്‍ എത്തിയിട്ടുണ്ട്. പോസ്റ്റുമോര്‍ട്ടത്തിനു ശേഷം മൃതദേഹങ്ങള്‍ ബന്ധുക്കള്‍ക്ക് വിട്ടു നല്‍കും.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here