റെയിൽവേ സറ്റേഷനിൽ നിന്നും മൂന്ന് വയസ്സുകാരിയെ തട്ടിക്കൊണ്ടുപോയി; കുട്ടിയെ തലയറുത്ത നിലയിൽ കണ്ടെത്തി; സിസിടിവി ദൃശ്യങ്ങൾ പുറത്ത്

റെയിൽവേ സ്‌റ്റേഷനിൽ നിന്നും തട്ടിക്കൊണ്ടുപോയ മൂന്ന് വയസ്സുകാരിയെ കൂട്ട ബലാത്സംഗത്തിനിരയാക്കി തലയറുത്ത നിലയിൽ കണ്ടെത്തി. കുട്ടിയെ തട്ടിക്കൊണ്ടുപോകുന്നതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.

സംഭവവുമായി ബന്ധപ്പെട്ട് മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഇതിൽ രണ്ട് പേർ കുട്ടിയെ കൂട്ടബലാത്സംഗത്തിനിരയാക്കിയെന്നാണ് റിപ്പോർട്ട്. മൂന്നുപേരിൽ ഒരാളായ റിങ്കു സാഹു 2015 ൽ
ഒരു കുട്ടിയെ തട്ടിക്കൊണ്ടുപോയി കൊലപ്പെടുത്താൻ ശ്രമിച്ചതിന് ജയിൽ ശിക്ഷ കഴിഞ്ഞ പുറത്തിറങ്ങിയ വ്യക്തിയാണ്.

തതാനഗർ റെയിൽവേ സ്റ്റേഷനിൽ അമ്മയ്ക്ക് സമീപം കിടന്നുറങ്ങുകയായിരുന്ന കുട്ടിയെയാണ് മൂവർ സംഘം തട്ടിക്കൊണ്ടുപോയത്. ഒരാൾ കുഞ്ഞിനെ എടുത്തുകൊണ്ട് പോകുന്നതിന്റെ ദൃശ്യങ്ങളാണ് സിസിടിവിയിൽ പതിഞ്ഞിരിക്കുന്നത്.

തിങ്കളാഴ്ച്ചയാണ് കുഞ്ഞിനെ തട്ടിക്കൊണ്ടുപോകുന്നത്. ചൊവ്വാഴ്ച്ച തലയറ്റ നിലയിൽ കുഞ്ഞിന്റെ മൃതദേഹം കണ്ടെത്തി. റെയിൽവേ സ്റ്റേഷന് നാല് കിമി അകലെയുള്ള കുറ്റിക്കാട്ടിൽ നിന്നുമാണ് കുഞ്ഞിന്റെ മൃതദേഹം കണ്ടെത്തിയത്.

കുട്ടിയുടെ തല ഇതുവരെ കണ്ടെത്താൻ സാധിച്ചിട്ടില്ല. തലയ്ക്കായി തിരച്ചിൽ തുടരുകയാണെന്ന് റെയിൽവേ പൊലീസ് ഓഫീസർ എഹ്തിഷാം വാഖ്രിബ് പറഞ്ഞു.