ആലപ്പുഴയിൽ ട്രാക്കിൽ മരങ്ങൾ വീണ് റെയിൽ ഗതാഗതം തടസ്സപ്പെട്ടു; ട്രെയിനുകൾ വഴി തിരിച്ചു വിടുന്നു

ആലപ്പുഴയിൽ രണ്ടിടത്ത് റെയിൽവേ ട്രാക്കിലേക്ക് മരങ്ങൾ കടപുഴകി വീണതിനെ തുടർന്ന് റെയിൽ ഗതാഗതം തടസ്സപ്പെട്ടു. മാരാരിക്കുളത്തും വയലാറിലുമാണ് ട്രാക്കിലേക്ക് മരങ്ങൾ വീണത്. ഇതേ തുടർന്ന് ട്രെയിനുകൾ കോട്ടയം വഴി തിരിച്ചുവിട്ടു. കൊച്ചുവേളി-ബാംഗ്ലൂർ എക്‌സ്പ്രസ്, കോഴിക്കോട്-തിരുവനന്തപുരം ജനശതാബ്ദി എക്‌സ്പ്രസ് എന്നിവയാണ് കോട്ടയം വഴി തിരിച്ചുവിട്ടത്. ട്രാക്കിൽ വീണ മരങ്ങൾ മുറിച്ചുമാറ്റാനുള്ള ശ്രമം തുടരുകയാണ്.