കനത്ത മഴ; ബേക്കല്‍ കോട്ടയിലെ നീരീക്ഷണ കേന്ദ്രത്തിന്റെ പുറം ഭിത്തി തകര്‍ന്നു

കനത്ത മഴയില്‍ ബേക്കല്‍ കോട്ടയിലെ നീരീക്ഷണ കേന്ദ്രത്തിന്റെ പുറം ഭിത്തി തകര്‍ന്നു. പ്രവേശന കവാടത്തിന്റെ കിഴക്കെ വശത്തെ കോട്ടകൊത്തളത്തിന്റെ ഭിത്തിയാണ് മഴയെ തുടര്‍ന്ന് ഇടിഞ്ഞത്.

മണ്ണിടിഞ്ഞതിനെ തുടര്‍ന്ന് ഇവിടേക്കുള്ള പ്രവേശനം താല്‍ക്കാലികമായി നിരോധിച്ചു. സുരക്ഷ മുന്‍നിര്‍ത്തി ഇരുമ്പ് ദണ്ഡുകള്‍ പാകിയിട്ടുണ്ട്. കേരളത്തിലെ കാസര്‍ഗോഡ് ജില്ലയിലുള്ള പള്ളിക്കര ഗ്രാമത്തിലാണ് ബേക്കല്‍ എന്ന കടലോര പ്രദേശം. ജില്ലയിലെ ഒരു പ്രധാന വിനോദസഞ്ചാര കേന്ദ്രം കൂടിയാണിവിടം.