ഇന്ത്യക്കെതിരായ ടി-20: ദക്ഷിണാഫ്രിക്കയെ ഡികോക്ക് നയിക്കും; ഡുപ്ലെസിസ് പുറത്ത്

ഇന്ത്യയ്ക്കെതിരെ അടുത്ത മാസം നടക്കാനിരിക്കുന്ന ടി-20 പരമ്പരയ്ക്കുള്ള ദക്ഷിണാഫ്രിക്കൻ ടീമിനെ പ്രഖ്യാപിച്ചു. വിക്കറ്റ് കീപ്പർ ബാറ്റ്സ്മാൻ ക്വിന്റൺ ഡികോക്കാണ് ടീമിനെ നയിക്കുന്നത്. വാൻഡർഡസനാണ് ഉപനായക‌ൻ. ലോകകപ്പിൽ ടീമിനെ നയിച്ച ഫാഫ് ഡുപ്ലെസിസ് ടി-20 ടീമിൽ ഇടം നേടിയില്ല.

അടുത്ത വർഷം ഓസ്ട്രേലിയയിൽ നടക്കാനിരിക്കുന്ന ടി-20 ലോകകപ്പിനെ മുൻ നിർത്തിയുള്ള സംഘത്തെയാണ് ഇപ്പോൾ ദക്ഷിണാഫ്രിക്ക തിരഞ്ഞെടുത്തിരിക്കുന്നത്‌. ടെംബ ബാവുമ, ആൻ റിച്ച് നോർത്തെ, ഫോർട്ടുയിൻ എന്നിവരാണ് ടീമിലെ പുതുമുഖങ്ങൾ.

പര്യടനത്തിൽ മൂന്ന് ടി-20 മത്സരങ്ങളാണുള്ളത്. സെപ്റ്റംബർ 15 ന് ധർമ്മശാലയിലാണ് ആദ്യ മത്സരം നടക്കുക. സെപ്റ്റംബർ 18 ന് മൊഹാലിയിൽ രണ്ടാം ടി-20 യും, സെപ്റ്റംബർ 22 ന് ബെംഗളൂരുവിൽ മൂന്നാം ടി-20 യും നടക്കും.

ടീം: ക്വിന്റൺ ഡികോക്ക് (ക്യാപ്റ്റൻ), വാൻഡർഡസൻ, ടെംബ ബാവുമ, ജൂനിയർ ഡാല, ഫോർട്ടൂയിൻ, ബ്യൂറൻ ഹെൻഡ്രിക്ക്സ്, റീസ ഹെൻഡ്രിക്ക്സ്, ഡേവിഡ് മില്ലർ, ആൻ റിച്ച് നോർത്തെ, ആൻഡിലെ ഫെഖ്ലുക്വായോ, ഡ്വെയിൻ പ്രിട്ടോറിയസ്, കാഗിസോ റബാഡ, ടബ്രായിസ് ഷംസി, ജോൺ ജോൺ സ്മട്.