മത്സ്യബന്ധനത്തിന് പോയ വള്ളം മറിഞ്ഞ് കൊച്ചിയിൽ ഒരാളെ കാണാതായി

കൊച്ചി ഉദയംപേരൂർ ഫിഷർമെൻ കോളനി ലാൻഡിംഗ് സെന്ററിൽ നിന്ന്‌ മത്സ്യ ബന്ധനത്തിനു പോയ വള്ളം മറിഞ്ഞ് ഒരാളെ കായലിൽ കാണാതായി. വള്ളത്തിലുണ്ടായിരുന്ന ഒരാൾ രക്ഷപ്പെട്ടു. ശനിയാഴ്ച രാത്രിയായിരുന്നു അപകടം. തൃപ്പൂണിത്തുറയിൽ നിന്നുള്ള ഫയർഫോഴ്‌സ് സംഘം രാത്രി തന്നെ സ്ഥലത്തെത്തി തിരച്ചിൽ നടത്തിയെങ്കിലും ആളെ കണ്ടെത്താനായില്ല. സ്‌കൂബ ടീമിന്റെ സഹായത്തോടെ രാവിലെ തിരച്ചിൽ പുനരാരംഭിച്ചിട്ടുണ്ട്.