പാലാ ഉപതെരഞ്ഞെടുപ്പ്; ‘രണ്ടില വേണമെന്ന് നിർബന്ധമില്ല. പാലായിൽ കെഎം മാണിയാണ് ചിഹ്നം’ : രമേശ് ചെന്നിത്തല

പാലാ ഉപതെരഞ്ഞെടുപ്പിൽ ചിഹ്നത്തിന്റെ കാര്യത്തിൽ നിയമ അഭിപ്രായം തേടുമെന്ന് പ്രതിപക്ഷ നേതാവ് രമേശ് ചെന്നിത്തല. രണ്ടില വേണമെന്ന് നിർബന്ധമില്ല. പാലായിൽ കെഎം മാണിയാണ് ചിഹ്നം. പിജെ ജോസഫ് ഐക്യജനാധിപത്യ മുന്നണിയിൽ തന്നെ ഉണ്ടെന്നും മണ്ഡലത്തിൽ യുഡിഎഫ് തിളക്കമാർന്ന വിജയം തേടുമെന്നും ചെന്നിത്തല തൃശൂരിൽ പറഞ്ഞു.

Read Also : ജോസ് ടോം പുലിക്കുന്നേൽ പാലായിലെ യുഡിഎഫ് സ്ഥാനാർത്ഥി; അംഗീകരിക്കില്ലെന്ന് പി.ജെ ജോസഫ്

അതേസമയം, രണ്ടില ചിഹ്നം നൽകുന്നതിൽ സാങ്കേതിക തടസമുണ്ടെന്ന് പ്രതിപക്ഷ നേതാവ് പറഞ്ഞത് കാര്യങ്ങൾ പഠിച്ച ശേഷമാണെന്ന് പിജെ ജോസഫ് പറഞ്ഞു. പാലായിൽ യുഡിഎഫ് സ്ഥാനാർത്ഥിയുടെ വിജയസാധ്യതയ്ക്ക് വേണ്ടി പ്രവർത്തിക്കുമെന്നും പിജെ ജോസഫ് വ്യക്തമാക്കി.