തിരുവനന്തപുരം മ്യൂസിയം സി.ഐയെ സ്ഥലം മാറ്റി

തിരുവനന്തപുരം മ്യൂസിയം സി.ഐ ജി.സുനിലിനെ സ്ഥലം മാറ്റി. കാസർഗോഡ് തൃക്കരിപ്പൂർ കോസ്റ്റൽ സ്‌റ്റേഷനിലേക്കാണ് മാറ്റിയത്. ശ്രീറാം വെങ്കിട്ടരാമൻ ഓടിച്ച വാഹനമിടിച്ച് മാധ്യമപ്രവർത്തകൻ കെ എം ബഷീർ കൊല്ലപ്പെട്ട കേസിലെ ആദ്യ അന്വേഷണ ഉദ്യോഗസ്ഥനായിരുന്നു സുനിൽ.

Read Also; മാധ്യമപ്രവർത്തകനെ വാഹനമിടിച്ച് കൊലപ്പെടുത്തിയ കേസ്; മ്യൂസിയം എസ് ഐ ഉൾപ്പെടെയുള്ള പൊലീസുകാരെ പ്രത്യേക അന്വേഷണ സംഘം ചോദ്യം ചെയ്യും

അന്വേഷണത്തിൽ സുനിൽ വീഴ്ച വരുത്തിയതായി ആരോപണം ഉയർന്നിരുന്നു. ഇതു കൂടാതെ ലോ കോളേജ് സംഘർഷത്തിൽ എസ്.എഫ്.ഐ പ്രവർത്തകർക്കെതിരെ വധശ്രമത്തിന് കേസെടുത്തതിനെത്തുടർന്ന് സിപിഐഎം ജില്ലാ നേതൃത്വം സി.ഐക്കെതിരെ രംഗത്തു വരുകയും ചെയ്തിരുന്നു. ഇതിന് പിന്നാലെയാണ് സി.ഐ.യെ സ്ഥലം മാറ്റിയിരിക്കുന്നത്.