പുഴയിൽ മുങ്ങി പൊങ്ങിയപ്പോൾ കൈയിൽ മണൽ; ഇതൊരു പ്രതിഷേധ മാർഗമാണ് (വീഡിയോ)

പ്രളയത്തിൽ പുഴയിൽ അടിഞ്ഞ് കൂടിയ മണൽ നീക്കം ചെയ്യാത്തതിൽ പ്രതിഷേധിച്ച് കോൺഗ്രസ് പ്രവർത്തകരുടെ വേറിട്ട സമരം. പുഴയിൽ നിന്ന് മണൽ വാരിയാണ് പ്രതിഷേധിച്ചത്. ഡിസിസി പ്രസിഡന്റ് ടി സിദ്ദിഖിന്റെ നേതൃത്വത്തിലായിരുന്നു പ്രതിഷേധം അരങ്ങേറിയത്.

ചാലിയാർ പുഴയിലാണ് പ്രതിഷേധം നടന്നത്. കോഴിക്കോട് ഡിസിസിയുടെ നേതൃത്വത്തിലായിരുന്നു സമരം. ടി സിദ്ദിഖ് ചാലിയാറിൽ നിന്ന് മണൽവാരി സമരം ഉദ്ഘാടനം ചെയ്തു. തുടർന്ന് സഹപ്രവർത്തകരും മുങ്ങാംകുഴിയിട്ട് മണൽ വാരി പ്രതിഷേധിച്ചു.

ഓഡിറ്റിംങ് നടത്തി മണൽവാരാൻ അനുമതി നൽകാതെ ക്വാറി മാഫിയകളെ സംരക്ഷിക്കുന്ന സർക്കാർ നിലപാടിനെതിരെ പ്രക്ഷോഭം കടുപ്പിക്കാനാണ് തീരുമാനമെന്ന് കോൺഗ്രസ് പ്രവർത്തകർ അറിയിച്ചു.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top