ക്രിമിനൽ കേസുമായി ബന്ധപ്പെട്ട് പ്രതികളുടെ സ്വത്തുക്കൾ പിടിച്ചെടുക്കാൻ പൊലീസിന് അധികാരമില്ലെന്ന് സുപ്രിംകോടതി

ക്രിമിനൽ കേസുകളിലെ അന്വേഷണവുമായി ബന്ധപ്പെട്ട് പ്രതികളുടെ സ്ഥാവര സ്വത്തുക്കൾ പിടിച്ചെടുക്കാൻ പൊലീസിന് അധികാരമില്ലെന്ന് സുപ്രിംകോടതി. ജസ്റ്റിസ് ദീപക് ഗുപ്ത അധ്യക്ഷനായ ബെഞ്ചിന്റേതാണ് ഉത്തരവ്.

ക്രിമിനൽ നടപടിചട്ട പ്രകാരമാണ് അന്വേഷണ ഏജൻസികൾ ഇപ്പോൾ സ്വത്തുക്കൾ കണ്ടു കെട്ടുന്നത്. കേസുകളിലെ തൊണ്ടി മുതൽ അടക്കം പിടിച്ചെടുക്കുന്നതിന് തടസമില്ല. എന്നാൽ, പ്രതിയുടെ സ്വത്തുക്കൾ കണ്ടുക്കെട്ടാൻ പൊലീസിന് അധികാരമില്ല. ഇതുസംബന്ധിച്ച ബോംബെ ഹൈക്കോടതി വിധിയും സുപ്രിംകോടതി ശരിവച്ചു. മഹാരാഷ്ട്ര സർക്കാർ സമർപ്പിച്ച ഹർജിയിലാണ് വിധി പറഞ്ഞത്.