ആഴ്ചയുടെ അവസാനം ഓഹരി വിപണി നേട്ടത്തോടെ തുടക്കം

ആഴ്ചയുടെ അവസാന ദിവസമായ ഇന്ന് ഓഹരി വിപണി നേട്ടത്തോടെ തുടക്കം. സെൻസെക്‌സ് 175 പോയിന്റ് ഉയർന്ന് 38282ലും നിഫ്റ്റി 40 പോയിന്റ് ഉയർന്ന് 11354ലുമെത്തി.

അതേസമയം, ബിഎസ്ഇയിലെ 814 കമ്പനികളുടെ ഓഹരികൾ നഷ്ടത്തിലാണ്.  ആർബിഐയുടെ വായ്പ നയയോഗത്തിലെ തീരുമാനങ്ങളുടെ പശ്ചാത്തലത്തിലാണ് വിപണി നേട്ടത്തിൽ തുടരുന്നത്.

യെസ് ബാങ്ക്, വിപ്രോ, ഹീറോ മോട്ടോർകോർപ്, എസ്ബിഐ, എച്ച്ഡിഎഫ്സി, സിപ്ല, ബജാജ് ഓട്ടോ, യുപിഎൽ, റിലയൻസ്, ടിസിഎസ് തുടങ്ങിയ ഓഹരികളാണ് നേട്ടത്തിലും  ഐഒസി, ഗ്രാസിം, ബിപിസിഎൽ, ഗെയിൽ, കോൾ ഇന്ത്യ, എച്ച്സിഎൽ ടെക്, പവർ ഗ്രിഡ്, ഒഎൻജിസി, ഐസിഐസിഐ ബാങ്ക് ഓഹരികൾ നഷ്ടത്തിലുമാണ്.