കോഴിക്കോട് ബിജെപി പ്രവർത്തകനായ ഓട്ടോ ഡ്രൈവർക്ക് വെട്ടേറ്റു

കോഴിക്കോട് ഓട്ടോ ഡ്രൈവർക്ക് വെട്ടേറ്റു. ബിജെപി പ്രവർത്തകനായ കെ.കെ. ഷാജിക്കാണു വെട്ടേറ്റത്. ഓട്ടോയിൽ കയറിയ ആൾ ഇടക്ക് വഴിയിൽ വച്ച് ഷാജിയെ വെട്ടുകയായിരുന്നു.

തലക്കുളത്തൂർ സ്വദേശിയാണ് ഷാജി. കോഴിക്കോട് പറമ്പിൽ ബസാറിൽവച്ചാണ് വെട്ടേറ്റത്. ഇയാളെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തലയ്ക്കാണ് പരുക്കേറ്റിരിക്കുന്നത്.

കഴിഞ്ഞ ദിവസം സ്ഥലത്ത് ബിജെപി-എസ്ഡിപിഐ സംഘർഷം ഉണ്ടായിരുന്നു. ആക്രമിച്ചത് ആരാണെന്ന് വ്യക്തമായില്ല.