നാലുദിവസത്തേയ്ക്ക് സംസ്ഥാനത്ത് ശക്തമായ മഴ

സംസ്ഥാനത്ത് ചില ജില്ലകളില്‍ അടുത്ത നാലുദിവസത്തേക്ക് ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കോട്ടയം, എറണാകുളം, ഇടുക്കി, മലപ്പുറം ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. ഈ ജില്ലകളില്‍ ഏഴു മുതല്‍ 11 സെന്റീമീറ്റര്‍ വരെ മഴ ലഭിച്ചേക്കും.

ഇന്നലെ ഏറ്റവും കൂടുതല്‍ മഴ ലഭിച്ചത് ചാലക്കുടിയിലാണ് 12.5 സെന്റീമീറ്റര്‍ മഴ. ഒറ്റപ്പാലം, പട്ടാമ്പി, പുനലൂര്‍ എന്നിവിടങ്ങളില്‍ ആറ് സെന്റീമീറ്ററിലധികം മഴ ലഭിച്ചു. നാളെ ആറു ജില്ലകളിലും യെല്ലോ അലര്‍ട്ട് പ്രഖ്യാപിച്ചിട്ടുണ്ട്. സര്‍ക്കാര്‍ സംവിധാനങ്ങള്‍ ജാഗ്രത പുലര്‍ത്തണമെന്നും അറിയിച്ചിട്ടുണ്ട്. മത്സ്യത്തൊഴിലാളികള്‍ക്ക് കടലില്‍ പോകുന്നതിന് തടസമില്ല.