മതവികാരം ഉയർത്തി ജനങ്ങളെ ഭിന്നിപ്പിച്ച് വോട്ട് പിടിക്കാൻ കോൺഗ്രസ് ശ്രമിക്കുന്നു : കോടിയേരി ബാലകൃഷ്ണൻ

വർഗീയ-ജാതീയ വികാരവും, മതവികാരവും ഉയർത്തി ജനങ്ങളെ ഭിന്നിപ്പിച്ച് വോട്ട് പിടിക്കാൻ കോൺഗ്രസ് ശ്രമിക്കുന്നുതായി സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണൻ. രണ്ട് വോട്ടിന് വേണ്ടി നടത്തുന്ന ഇത്തരം പ്രചാരവേല ജനം തിരിച്ചറിയുമെന്നും ജാതി-മത സംഘടനകൾ രാഷ്ട്രീയത്തിൽ ഇടപെടരുതെന്നും കോടിയേരി തിരുവനന്തപുരത്ത് പറഞ്ഞു.

വട്ടിയൂർക്കാവിൽ വി.കെ.പ്രശാന്ത് വിജയിച്ചാൽ അത് സിപിഎമ്മിന്റെയൊ ഇടത് പക്ഷത്തിന്റെയൊ വിജയമായി അവകാശപ്പെടില്ല. മറിച്ച് തിരുവനന്തപുരം നഗരവാസികളുടെ വിജയമായി അംഗീകരിക്കുമെന്നും കോടിയേരി പറഞ്ഞു.

Read Also : ‘എൻഎസ്എസ് ജാതിപറഞ്ഞ് വോട്ട് തേടി’; കോടിയേരി ബാലകൃഷ്ണൻ തെരഞ്ഞെടുപ്പ് കമ്മീഷന് പരാതി നൽകി

60 കഴിഞ്ഞാൽ അത്തും പിത്തുമെന്ന് വി എസിനെ അപമാനിച്ച കെ. സുധാകരന് വയസ് 71 ആയെന്നും സുധാകരന്റെ പ്രതികരണം തെരഞ്ഞെടുപ്പിൽ തിരിച്ചടിക്കുമെന്നും കോടിയേരി വ്യക്തമാക്കി.