പിഎസ്എല്‍വിയുടെ 50-ാം വിക്ഷേപണം 11-ന്; ഐഎസ്ആര്‍ഒ കൈവരിക്കുന്നത് ചരിത്ര നേട്ടം

ഐഎസ്ആര്‍ഒയുടെ പോളാര്‍ സാറ്റലൈറ്റ് ലോഞ്ചിംഗ് വെഹിക്കിള്‍ (പിഎസ്എല്‍വി) അന്‍പതാം വിക്ഷേപണത്തിനൊരുങ്ങുന്നു. ഇന്ത്യയ്ക്ക് ബഹിരാകാശ ഗവേഷണ രംഗത്ത് വിശ്വസ്തതയുടെ പേരാണ് പിഎസ്എല്‍വി. രാജ്യത്തിന്റെ പ്രതിരോധാവശ്യങ്ങള്‍ക്കായുള്ള റിസാറ്റ്-2 ബിആര്‍ 1 എന്ന അത്യാധുനിക ഭൗമനിരീക്ഷണ, റഡാര്‍ ഉപഗ്രഹമാണ് ദൗത്യത്തിലെ പ്രധാന ഉപഗ്രഹം. ഡിസംബര്‍ 11-ന് വൈകിട്ട് 3:25-നാണ് പിഎസ്എല്‍വി സി-48 വിക്ഷേപണം നടക്കുക. മറ്റൊരു ചരിത്രപ്രധാന്യം ശ്രീഹരിക്കോട്ടയില്‍ നിന്നുള്ള 75ആം വിക്ഷേപണം ഡിസംബര്‍ 11-ന് നടക്കുക.

We are gearing up for the next launch !#RISAT2BR1 & 9 commercial satellites will be flown onboard #PSLVC48 at 1525 hrs IST on December 11, 2019

Read more at https://t.co/leKS6Fx6Bn pic.twitter.com/uiZZPYdAjG

— ISRO (@isro) December 4, 2019

റിസാറ്റ് ശ്രേണിയിലെ ഉപഗ്രഹത്തിന് പുറമേ ഒമ്പത് വിദേശ ഉപഗ്രങ്ങളും പിഎസ്എല്‍വി അമ്പതാം ദൗത്യത്തില്‍ ഭ്രമണപഥത്തിലെത്തിക്കും. അമേരിക്കന്‍ കമ്പനികളുടെ ആറ് ഉപഗ്രങ്ങളും, ഇസ്രയേല്‍, ഇറ്റലി, ജപ്പാന്‍ എന്നീ രാജ്യങ്ങളില്‍ നിന്നുള്ള ഓരോ ഉപഗ്രങ്ങള്‍ വീതവുമാണ് ന്യൂ സ്‌പേസ് ഇന്ത്യ വഴി വാണിജ്യാടിസ്ഥാനത്തില്‍ വിക്ഷേപിക്കുന്നത്.

Story Highlights – isro, pslv, 50th mission