ഇന്ത്യ-വെസ്റ്റ് ഇൻഡീസ് 20-20; ടോസ് നേടി ഇന്ത്യ; സഞ്ജു പ്ലേയിംഗ് ഇലവനിൽ ഇടംനേടിയില്ല

ഇന്ത്യ-വെസ്റ്റ് ഇൻഡീസ് 20-20 ക്ക് തുടക്കമായി. ടോസ് നേടിയ ഇന്ത്യ ബൗളിംഗ് തെരഞ്ഞെടുത്തു. സഞ്ജു ഇത്തവണയും പ്ലേയിംഗ് ഇലവനിൽ ഇടംനേടിയില്ല .

ധവാന്റെ ഒഴിവിൽ കെഎൽ രാഹുൽ ഓപ്പണിംഗ് സ്ഥാനത്തും ഓൾ റൗണ്ടറായി ശിവം ദുബെയും വന്നതോടെ സഞ്ജുവിന്റെ അവസരം നഷ്ടമാവുകയായിരുന്നു.

കാര്യവട്ടത്താണ് ഇന്ത്യ-വെസ്റ്റിന്റീസ് രണ്ടാം ട്വന്റി ട്വന്റി മത്സരം നടക്കുന്നത്. കർശനമായ സുരക്ഷയാണ് ഇത്തവണയും ഒരുക്കിയിരിക്കുന്നത്. സുരക്ഷയുടെ ഭാഗമായി 850 പോലീസുകാരെയും 100 മഫ്തി പോലീസുകാരെയും നിയോഗിച്ചിട്ടുണ്ടെന്ന് ഡെപ്യൂട്ടി കമ്മീഷണർ ഗോപകുമാർ പറഞ്ഞു. വടികളും, കൊടിതോരണങ്ങളും മറ്റും സ്റ്റേഡിയത്തിനുള്ളിലേക്ക് കയറ്റുന്നതിനും നിയന്ത്രണമുണ്ട്.