ഐഎസ്എൽ; ജംഷഡ്പൂരിനെ സമനിലയിൽ തളച്ച് ബ്ലാസ്റ്റേഴ്‌സ്

ഐഎസ്എലിൽ ജംഷഡ്പൂരിനെ സമനിലയിൽ തളച്ച് ബ്ലാസ്റ്റേഴ്‌സ്. സ്വന്തം ആരാധകർക്ക് മുൻപിൽ ഇത്തവണയും ജയം കണ്ടെത്താനായില്ല ബ്ലാസ്റ്റേഴ്‌സിന്. തുടർച്ചയായ ഏഴാം മത്സരത്തിലും ജയം കാണാതെ ആരാധകരെ നിരാശരാക്കിയിരിക്കുകയാണ് ബ്ലാസ്റ്റേഴ്‌സ്.

ആദ്യ പകുതിയിൽ തീർത്തും നിരാശയായിരുന്നു ബ്ലാസ്റ്റേഴ്‌സ് താരങ്ങൾ ആരാധകർക്ക് നൽകിയത്. 38-ആം മിനിറ്റിൽ പിറ്റി പെനാൽറ്റിയിലൂടെ ജംഷഡ്പൂരിനായി ആദ്യഗോൾ നേടി. രണ്ടാം പകുതിയിൽ ജംഷഡ്പൂർ ലീഡ് വീണ്ടും ഉയർത്തി.

75-ആം മിനിറ്റിൽ ആരാധകർക്ക് ചെറു പ്രതീക്ഷ നൽകി മൗസി ബൗളി. 87ആം മിനിറ്റിൽ പെനാൽറ്റിയിലൂടെ മൗസി ബൗളി ബ്ലാസ്റ്റേഴ്‌സിനായി സമനിലഗോൾ നേടി.

Story Highlights- Kerala Blasters, ISL