പൗരത്വ നിയമ ഭേദഗതി; ഉത്തർപ്രദേശിൽ ബസിന് തീയിട്ടു

പൗരത്വ നിയമ ഭേദഗതിക്കെതിരെ രാജ്യ വ്യാപകമായി പ്രതിഷേധം. ഉത്തർപ്രദേശിലെ സംഭലിൽ പ്രതിഷേധക്കാർ സ്റ്റേറ്റ് ട്രാൻസ്‌പോർട്ട് ബസിന് തീയിട്ടു. ഗതാഗതം തടസപ്പെടുത്തി പ്രതിഷേധക്കാർ റോഡ് ഉപരോധിക്കുകയും ചെയ്തു.

പ്രതിഷേധം കനത്തതോടെ കെഡി സിംഗ് ബാബു സ്‌റ്റേഡിയം മെട്രോ സ്‌റ്റേഷൻ ഇന്ന് വൈകുന്നേരം അഞ്ച് മണി വരെ അടച്ചിട്ടു. സംഭലിൽ ഇന്റർനെറ്റ് സേവനങ്ങൾ ഇനി ഒരു അറിയിപ്പുണ്ടാകുന്നതുവരെ റദ്ദാക്കിയതായി ജില്ലാ മജിസ്‌ട്രേറ്റ് അറിയിച്ചു.